වර්තමානයේ ස්වාධීන ආයතනයක් ලෙස ක්‍රියාත්මක වන Belluna Lanka ආයතනය ශ්‍රී ලංකාවේ සංවර්ධනය සහ ආයෝජනය වෙනුවෙන් දිගු කාලයක් කැපවීමෙන් ක්‍රියාකරයි. විවිධ වූ කර්මාන්ත ක්ෂේත්‍රයන් හී වසර 50කට අධික අත්දැකීම් සහිත ටෝකියෝ කොටස් වෙළඳපොලේ ලැයිස්තු ගත ආයතනයක් වූ ජපානයේ Belluna Co. Ltd. ආයතනයේ සම්පූර්ණ හිමිකාරීත්වය හිමි සමාගමක් වන Belluna Lanka, සිය මව් ශාඛාවේ මුල්‍යමය ස්ථාවරත්වය, ජාත්‍යන්තර පිළිගැනීම සහ සාර්ථක ව්‍යාපාරකරණයේ ශක්තියෙන් ඉදිරියට පැමිණෙයි. සිය ස්ථාවරත්වයේ උරුමයෙන් ශක්තිමත් වූ Belluna Lanka සමාගම සිය මව් ශාඛාවේ දකුණු ආසියානු උපායමාර්ගික පදනම ලෙස කටයුතු කරන අතරම ශ්‍රී ලංකාව ඔවුන්ගේ කලාපීය දැක්ම ක්‍රියාත්මක කරන කේන්ද්‍රය වෙයි. Belluna Co. Ltd. සමාගම ඉඩම් විකිණීම්, සත්කාර සේවා සහ ගෝලීය ආයෝජනයේ පුරෝගාමියෙකු ලෙස තමන්ගේ ස්ථානය ස්ථාවර කරගෙන ඇති අතර ඔවුන්ගේ ලාභදායී ව්‍යාපාරකරණයේ ප්‍රගති වාර්තා මගින් එය මනාව ඔප්පු වෙයි. තිරසර ආර්ථික වර්ධනයක් ප්‍රවර්ධනය කරන නව්‍ය ආයෝජනයන් සමාගම විසින් ගොඩනඟයි. Belluna Lanka, සිදුකළ සියලු ආයෝජනයන් සම්පූර්ණයෙන්ම ජපානයෙන් ලැබුණු ස්වයං මුල්‍යදායකත්වය ලද ව්‍යපෘති වෙයි. මේ මගින් සමාගමේ ශක්තිමත් ආර්ථික පදනම සහ තිරසර ආයෝජනයන් ව්‍යාප්ත කිරීමට ඇති කැපවීම මනාව පැහැදිළි වෙයි.
පසුගිය දශකය පුරා ශ්‍රී ලංකාවේ ආයෝජන වපසරිය තුළ Belluna Lanka, තීරණාත්මක ක්ෂේත්‍රයන් හී උපායමාර්ගික ආයෝජන පුළුල්කරණය හරහා සිය නාමය ශක්තිමත්ව ඉදිරියට රැගෙන විත් තිබේ. ජීවිත සාරවත් කිරීම, යහපත් පරිසරය නිර්මාණය කිරීම සහ රටේ පොහොසත් සම්ප්‍රදායන්ට ගරුකිරීම පදනම් වූ Belluna දැක්ම මත ආයතනයේ සියලු ඉලක්ක සංකේන්ද්‍රණය වී තිබෙන අතර සිය දිගු කාලීන සාර්ථකත්වය හරහා සංවර්ධනය සිදුකරයි. සංවර්ධනයේ ගෝලීය නියමුවෙක් ලෙස රට ස්ථානගත කරමින් සහ අවධානයෙන් තෝරාගත් ආයෝජන හරහා සත්කාර සේවා ගොඩනැංවීමෙන් Belluna Lanka ශ්‍රී ලංකාවේ ආර්ථික ඉලක්කයන් සපුරා ගැනීමට සහයෝගය ලබාදෙයි. සමස්ථ කලාපීය ආයෝජනය ඇමරිකානු ඩොලර් මිලියන 200කට වඩා (ආසන්න වශයෙන් රුපියල් බිලියන 60ක) වැඩියෙන් ආයෝජනය කරමින් Belluna Lanka සමාගම සිය ආයෝජන විවිධත්වය සහ සිය වර්ධනීය ව්‍යාපාරකරණය සැමට පිළිඹිබු කරන අතර සමස්ත ආයෝජනයෙන් විශාල කොටසක් ශ්‍රී ලංකාව තුළ සිදුකළ ආයෝජන වෙයි. ආසන්න වෙළඳපොළ වෙතට සිය ආයෝජන සංවර්ධනයේ ඉදිරි පියවර තබන අතරතුර Belluna හී දකුණු ආසියාවේ උපායමාර්ගික මර්මස්ථානය ශ්‍රී ලංකාව වීම නිසාම Belluna Lanka සමාගම ශ්‍රී ලංකාව පදනම් කරගනිමින් සිය කලාපීය පෙනී සිටීමට නායකත්වය ලබාදෙයි.
කාලය විසින් සනාථ කළ ශ්‍රී ලාංකීය ශීල්පීය නිපුණතාවය සමගින් ජපානයේ චාම්බව සුමට ලෙස එකට එකතු කරමින් ශ්‍රී ලාංකික සොබාදහමේ සහ සංස්කෘතියේ අරුමය සමගින් සුවිශේෂී අත්දැකීමක් ලබාදෙන Granbell Colombo සහ Le Grand Galle යනු ඔවුන්ගේ සුඛෝපභෝගී හෝටල් ද්විත්වයයි. Belluna Lanka සමාගමට 2018 දී සම්පූර්ණයෙන් වැඩ නිමකළ Marriott International පරිපාලනය කරන සුඛෝපභෝගී හෝටලයක් බටහිර මාලදිවයිනේ ඇති අතර මෙමගින් Belluna හී කලාපීය ආයෝජන දැක්ම සැබැවින්ම පිළිඹිබු වෙයි. ඉඩම් අලෙවි කිරීම් ක්ෂේත්‍රය පිළිබ‍ඳ සැලකීමේ දී Belluna Lanka සමාගම කොළඹ කුරුදු වත්තේ 447 Luna Tower ගොඩනැගිල්ල සංවර්ධනය කිරීම හරහා කැපී පෙනෙන හැකියාවන් පෙන්වීය. එහි දී අති සුඛෝපභෝගී සුවිශේෂී ජීවන අත්දැකීමක් අපේක්ෂා කරන්නන් වෙනුවෙන්ම නිර්මාණිත මෙම ගොඩනැගිල්ල පුද්ගලිකත්වය සහ ඉහළ ජීවන රටාව සුවිශේෂී ලෙස නිර්මාණය කර තිබේ. එසේම සමාගමට කොළඹ 03, විජේවර්ධන මාවතේ ද ඉහළ වටිනාකමක් ඇති ඉඩමක් තිබෙන අතර එය ශ්‍රී ලාංකිකයන්ගේ නාගරික ජීවිතයක අපේක්ෂාවන් සංවර්ධනය කරමින් දියුණු කිරීමට දැනටමත් සැලසුම් සකස් කර තිබේ.
ජපානයේ Belluna Co. Ltd. ආයතනයේ අධ්‍යක්ෂ හිරෝෂි යෂුනෝ (Hiroshi Yasuno), මහතා සමාගමේ කැපවීම පිළිබඳව සිය අදහස් දැක්වීය, ” දිගු කාලීන කැපවීමෙන් ජීවිත ගුණාත්මකව සංවර්ධනය කිරීම සහ අර්ථාන්විත ආයෝජන සිදුකිරීම සැමදා Belluna හී පරමාර්ථයයි. දකුණු ආසියාවේ අපගේ උපායමාර්ගික කේන්ද්‍රයවන Belluna Lanka මුළු හදවතින්ම අපගේ අරමුණ ඉදිරියට ගෙනයාමට කැපවීමෙන් කටයුතු කරනවා. අපි ශ්‍රී ලංකාවෙහි ආයෝජනය කිරීම දිගටම කරනගෙන යනවා. ජපානයේ නිර්මාණාත්මක දර්ශනය සමග ශ්‍රී ලංකාවේ නිර්මාණශීලීත්වය, ළෙංගතුකම සහ ආවේණික කෞෂල්‍ය ඒකාත්මික කරමින් තිරසර සහ පරිවර්ථනීය කාර්යයක් කිරීමට පරිසරය සහ අත්දැකීම් නිර්මාණය කිරීමට අපි මූලික වෙනවා. ඒවගේම අපේ මෙහෙයුම් ව්‍යාප්ත කිරීමේ පියවරක් ලෙස අපි මේ සියල්ල යම් අර්ථවත් අරමුණකින් සිදු කළ යුතුයි. එහි දී අපේ අරමුණට සමපාත වෙන ව්‍යාපෘතිය හරියටම තෝරාගැනීම සහ තිරසරබව, ඒකාත්මිකතාව සහ ඉහළ අගයක් ඇතිව ප්‍රජාවට සේවය කිරීම ඉතා වැදගත්. ”
තමන්ගේ නව වෘත්තීය පියවර ලෙස ශ්‍රී ලංකාව තුළ ආයෝජනයේ, සංවර්ධනයේ සහ තිරසර අගය එකතු කිරීමේ කාර්යය තවත් ශක්තිමත් කිරීමට සියලු කටයුතු කිරීමට Belluna Lanka ශක්තිමත්ව ක්‍රියාත්මක වෙයි. නව්‍යකරණයේ සහ උසස් තත්ත්වයේ වටිනාකම් මතින් සමාජයේ දියුණුව සහ ව්‍යාපාරික සාර්ථකත්වය අත්පත් කරගැනීමට සමාගම නිතැතින්ම කැපවෙයි.
නිමි.
Belluna Lanka පිළිබඳව
ටෝකියෝ කොටස් වෙළඳපොලේ ලැයිස්තුගත සමාගමක් වෙන Belluna Co. Ltd. හී සම්පූර්ණ අයිතිය හිමි අනු සමාගමක් වෙන Belluna Lanka Pvt. Ltd. සමාගම සිය මව් සමාගමේ වසර 50කට අධික සත්කාරය සේවා, ඉඩම් සංවර්ධන සහ වත්කම් කළමනාකරණ විශේෂඥතාවය සමග ශ්‍රී ලංකාවේ මෙහෙයුම් සිදුකරන සමාගමකි. දකුණු ආසියාවේ උපායමාර්ගික ව්‍යාපාර පදනම ලෙස ශ්‍රී ලංකාව තෝරාගනිමින් ආයෝජන කළඹ ප්‍රවේශය සහ පුද්ගලයන් කේන්ද්‍ර කොට ගත් ව්‍යාපාර ආකෘතියක් සමගින් දේශීය ව්‍යාපාර අවස්ථාවලට ජාත්‍යන්තරව පිළිගත් නව ආයෝජන ප්‍රවේශයන් හඳුන්වා දෙයි. තිරසර සංවර්ධණය, සමාජ ප්‍රගතිය සහ දිගු කාලීන වටිනාකම් නිර්මාණය කිරීමේ ව්‍යාපාර ආකෘතිය වෙනුවෙන් කැපවෙමින් කටයුතු කරන Belluna Lanka ශ්‍රී ලංකාවේ ආර්ථික සංවර්ධනයේ අනාගතයට අගනාකම් පිරි වඩාත් උසස් එළඹුමක් ගොඩනංවමින් නව්‍ය, ප්‍රතිආයෝජන සහ ඒකාබද්ධ මෙහෙයුම් ආකෘතියක් සමග මව් සමාගම සහ දේශීය නායකත්වයක් සහිතව ව්‍යාපාර කටයුතු සිදුකරයි.
වැඩිදුර තොරතුරු සඳහා www.bellunalanka.lk වෙබ් අඩවියට පිවිසෙන්න.